Fakbûnen FNV Spoor, VVMC en CNV komme op tiisdei 30 augustus – de fjirde dei fan de oankundige estafettestaking – yn aksje wêrtroch't yn Nederlân de hiele dei gjin NS-treinen ride, útsein Amsterdam Sintraal nei Schiphol en werom. Eurostar en Thalys ride wol, oare ynternasjonale treinen ride net yn Nederlân. De treinen fan de regionale ferfierders sille ek fierder ride, mei útsûndering fan de treintsjinst Alphen-Gouda.

NS advisearret de reis út te stellen of sels ferfangend ferfier te regeljen. Der kin gjin alternatyf busferfier brûkt wurde. It ferfiersbedriuw docht alle war om Schiphol tagonklik te hâlden. Yn de aksjedei bliuwt Schiphol fjouwer kear yn it oere berikber fia Amsterdam Sintraal. Dochs advisearret NS passazjiers om alternatyf ferfier foar Schiphol te brûken.

aksjes Midden Nederlân

De aksjes binne rjochte op Midden-Nederlân. In protte treinen ride nei, fan of troch dit gebiet. Boppedat is Utert in plak dêr't in protte NS-meiwurkers harren wurkdei begjinne. Fanút Utert ride meiwurkers normaal alle kanten op en wurkje in protte NS-kollega's oan de deistige koördinaasje fan personiel en treinen foar it hiele lân. As se ophâlde mei wurkjen, hat dat yn hiel Nederlân fiergeande gefolgen foar de tsjinstregeling.

De NS hat yn eardere stakingsdagen alle war dien om in betrouber en ferantwurde skema rûnom de stakingsgebieten te jaan. Foar de oankundige staking op tiisdei sjogge se gjin mooglikheid om op in ferantwurde wize in tsjinstregeling te riden.

De spoarbehearder beseft dat se grutte easken stelle oan it begryp en selsredsumens fan de reizgers. Dat fine se ekstreem ferfelend. NS begrypt de soargen en it sinjaal fan de meiwurkers en dêrom wolle se graach yn dialooch gean mei de fakbûnen om in goede heech te kommen.