De measte Nederlanners geane yn de maaiefakânsje in wike of mear op fakânsje. Se reizgje leaver mei de auto (70%) of mei it fleantúch (18%) nei harren fakânsjebestimming en sykje faaks de natuer en wetter op.
Mear as in tredde fan de Nederlanners giet dizze maaiefakânsje op reis en kiest foar in bestimming binnen Europa of Nederlân. Kampearje mei eigen kampearapparatuer, autofakânsje of ferbliuw op in fakânsjepark binne dit jier benammen populêr. Mar hast de helte fan de fakânsjegongers (40%) past har plannen oan troch de oprinnende prizen. Dat docht bliken út in ledepeiling fan de ANWB.
De measte Nederlanners geane yn de maaiefakânsje in wike of mear op fakânsje. Se reizgje leaver mei de auto (70%) of mei it fleantúch (18%) nei harren fakânsjebestimming en sykje faaks de natuer en wetter op. Kuierje, fytse, de omkriten ferkennen, mar ek musea besykje, winkelje en út ite stean stean dizze maaiefakânsje by in soad Nederlanners op it programma. Nederlân, Frankryk, Dútslân, Belgje en Spanje binne tradisjoneel populêre bestimmingen. Yn eigen lân kieze fakânsjegongers Gelderlân as foarkarsbestimming.
De Nederlanners jouwe wol oan dat se troch de oprinnende prizen minder en foar in koartere perioade op fakânsje gean, tichter by hûs bliuwe, in oare perioade of in oar soarte fakânsje kieze. 14 prosint fan de fakânsjegongers makket in oare kar troch de ferhege prizen fan fleankaarten. Dochs litte de Nederlanners har fakânsje net samar los: 85 prosint jout oan dat se neist de maaiefakânsje dit jier ek noch in fakânsje boeke sille.
Simmermoannen binne in favoryt
Nettsjinsteande de populariteit fan de maaiefakânsje geane de measte Nederlanners yn de simmermoannen noch op fakânsje. De measten hawwe al plannen makke foar juny, july, augustus en septimber. De belangstelling foar Súd-Europa hâldt troch, hast 30 prosint fan de Nederlanners kiest nettsjinsteande de hege temperatueren fan ôfrûne simmer foar dizze regio. Mar 10 prosint fan de fakânsjegongers kiest dit jier in oare bestimming ynstee fan Súd-Europa.
De ANWB-enkête is in represintatyf, kwantitatyf ûndersyk ûnder mear as 1000 leden fan 18 jier en âlder en hâlden yn april 2023. ANWB wol elkenien dy't derút giet ynspirearje en stimulearje om in duorsume kar te meitsjen, sa fynt de Koninklijke Nederlandse VVV.
