Hast 15% fan de histoaryske skippen fan de brune float hat gjin jildige sertifikaten. Dat is de konklúzje fan in ûndersyk fan de Inspectie Leefomgeving en Transport. Woansdei 31 augustus 2022 barde op in histoarysk sylskip út Harns in deadlik ûngelok doe't de beam bruts. De ILT jout help by it strafrjochtlik ûndersyk fan de plysje. Omdat by in earder ûngelok yn 2016 in sertifikaat net op oarder wie, hat de Ynspeksje der foar keazen om alle skippen fan itselde bedriuw in kontrôle út te fieren foardat it plysje-ûndersyk ôfrûn is.

Ut de ynspeksjekontrôle die bliken dat net alle skippen jildige sertifikaten hawwe. Dizze skippen meie dus net farre. Foarearst is in skip ferbean om te farren en mochten de passazjiers net nei de folgjende bestimming. 

Mei sektor om 'e tafel

Ferline wike hat de ynspeksje de sertifikaten fan de hiele brune float kontrolearre. Eigners dy't gjin jildige sertifikaten hawwe, hawwe in berjocht krigen dat se net farre meie sûnder in jildich sertifikaat. It giet om yn totaal 250 skippen, wêrfan 39 gjin jildich sertifikaat hawwe. De ynspeksje hâldt ta dat dizze skippen net farre. De Ynspeksje fiert as it nedich is hanthavenjen troch in farferbod op te lizzen. De útkomsten binne foar de ILT ek reden om dizze moanne om te sitten mei de ynspeksje-ynstânsjes, klasseminten en de fakbûn.