Der wurdt rûsd dat alle jierren 75 oant 150 minsken stjerre troch drugs- en/of alkoholgebrûk yn it ferkear.
It CBR is altyd drok dwaande om derfoar te soargjen dat elkenien feilich meidwaan kin oan it ferkear. Sy soargje foar in mobyl en ferkearsfeilich Nederlân. Mei dat doel soargje se derfoar dat ferkearseksamen ôflein wurde, mar testje se ek oft bestjoerders fysyk en mentaal feilich yn it ferkear meidwaan kinne. It CBR fiert dy taken út yn opdracht fan de minister fan Ynfrastruktuer en Wettersteat. It CBR set alle jierren in oantal kampanjes útein, no begjinne se in sosjale mediakampanje dy't benammen rjochte is op jongeren. De kampanje hat as doel jongeren bewust te meitsjen oer feilich rydgedrach.
Der binne koartlyn twa nije edukative maatregels ynfierd, de koarte kursus gedrach en ferkear en de kursus drugs en ferkear. Alle jierren wurde 1 miljoen azem- of speekseltests ôfnommen troch de plysje en wurde alle moannen mear as 3500 minsken oppakt dy't ûnder ynfloed fan drugs of alkohol achter it stjoer sitte. Der wurdt rûsd dat alle jierren 75 oant 150 minsken stjerre troch drugs- en/of alkoholgebrûk yn it ferkear. Faak is it net de bestjoerder sels, mar ien yn de omjouwing dy't oanriden wurdt. Jonge bestjoerders dy't har rydbewiis minder as fiif jier hawwe, soargje foar in grut part fan dy ûngelokken.
Mei dizze nije kampanje wol it CBR jongeren dúdlik meitsje wat drugs en alkohol feroarsaakje kinne yn it ferkear en gefaarlik riden. Bepaalde regels moatte ek dúdlik makke wurde, Hoefolle kinne jo eins drinke? Hoe lang bliuwe drugs en alkohol yn jo bloed? De kampanje moat jongeren realisearje wat se eins kwyt kinne troch mei alkohol of drugs achter it stjoer te kommen. It rydbewiis kwytreitsje, in strafblêd krije, hege boetes, hege skeakosten, in kursus folgje moatte mar ek mei de gefolgen moatte libje as jo ien oanriden binne hjir ûnderdiel fan. De kampanje rint fia YouTube, Snapchat, TikTok en Instagram.
