De measten fan ús kinne it gesicht nei alle gedachten noch ûnthâlde, de dei dat se har rydbewiis krigen. In wichtige mylpeal yn it libben, de dei dat jo net mear ôfhinklik wiene fan oaren foar ferfier. Yn it ferline koene je pas begjinne mei les fan 18 jier ôfe jierdei. Tsjintwurdich kinst begjinne mei dyn teory fan 16 jier ôf, lessen fan 16,5 jier ôf en fan 17 ôf kinst al in praktysk eksamen dwaan. Ut ûndersyk hat no útwiisd dat begjinnende bestjoerders in gruttere kâns hawwe op in ûngelok yn it ferkear. Dat komt trochdat begjinnende bestjoerders net folle ûnderfining hawwe yn it ferkear, jongeren nimme faak mear risiko's en oerskatte bepaalde situaasjes. Dit kin liede ta gefaarlike situaasjes en sels ûngelokken. It konsultaasjeburo Goudappel en it CBR sille dêrom yn opdracht fan it ministearje fan Ynfrastruktuer en Wettersteat ûndersykje oft en hokker oanpassingen makke wurde kinne oan it rydbewiis om it feiliger te meitsjen foar begjinnende bestjoerders.
It ûndersyk hjit: “Roze Pasje Ander Jasje”. De Goudappelgroep, dêr't it CBR dit ûndersyk mei dwaan sil, bestiet út in oantal gearwurkjende bedriuwen dy't mei-inoar harren opdracht ferfolje: mobiliteitsproblemen sa goed mooglik oplosse. It ûndersyk bestiet út 3 farianten, in stap foar stap eksamentrajekt, in perioade fan begeliede riden en de lêste is it hjoeddeiske eksamentrajekt. Dit ûndersyk wurdt útfierd yn Venlo, Breda, Barendrecht, Utrecht, Amsterdam, Nijmegen, Emmeloord, Swol, Grins en Ljouwert. Rydskoallen en jongeren út dizze plakken kinne har frijwilliger dwaan oanmelde foar dit ûndersyk. It CBR ferwachtet ein febrewaris te begjinnen mei de earste rydtesten en eksamens en de resultaten fan it ûndersyk wurde ein 2023 ferwachte.
Lês ek: Kampanje: 'Feilich op 'e dyk! Bliuw út 'e bline flek'
