Njoggen op de tsien Nederlanners (90%) hâlde yn 2020 rekken mei ekonomyske krimp. Fan 6 april ôf kinne bedriuwen dy't troffen binne troch de korona-krisis kontakt opnimme mei it UWV melden. Minister Wouter Koolmees fan Sosjale Saken en Wurkgelegenheid hâldt der rekken mei dat 100.000 bedriuwen har de kommende perioade melde by it útkearingsburo UWV foar in leankostenregeling. It Ryk hat dêrfoar tusken de 10 en 20 miljard euro frijmakke.
de helte fan de Nederlanners ferwachtet in flinke efterútgong fan de ekonomy
Hieltyd mear wurkjouwers freegje har personiel om fekânsjedagen te nimmen yn 'e korona-krisis. Fakbûnen CNV en FNV hawwe dêr de ôfrûne wiken allerhanne fragen en noch mear klachten oer krigen. Minister Wouter Koolmees wol net nayf wêze en wit dat in soad minsken harren baan ferlieze en bedriuwen de kommende moanne fallyt geane.
In mearderheid fan de Nederlanners ferwachtet dat de korona-beperkingen op syn minst noch seis moanne duorje, neffens in rapport enkête fan I&O Research ûnder mear as twatûzen Nederlanners. Ferline wike presintearre it Centraal Planbureau (CPB) ekonomyske senario's foar Nederlân. Yn alle senario's liket ekonomyske krimp ûnûntkomber. Dat boadskip hat ek de Nederlânske befolking berikt; njoggen op de tsien Nederlanners (90%) hâldt yn 2020 rekken mei de ekonomyske krimp.
earst it MKB stypje en dêrnei grutte bedriuwen lykas KLM
Om de ekonomy te rêden seit trijekwart (78 prosint) fan de befolking dat de oerheid him yn it foarste plak rjochtsje moat op it stypjen fan it MKB. Trije op de tsien Nederlanners (30 prosint) fine dat it Ryk har rjochtsje moat op it stypjen fan grutte bedriuwen lykas Schiphol en KLM. In fergelykbere groep (29 prosint) is it dêr net mei iens. De grutste soarch fan de Nederlanners sit dan ek foaral by de lytsere ûndernimmers.
I&O Research hat dit ûndersyk op eigen inisjatyf dien. It ûndersyk fûn plak fan 26 oant en mei 30 maart 2020 en 2.342 Nederlanners diene mei. De útkomsten wurde gewogen op geslacht, leeftyd, oplieding, regio en stimgedrach by de Twadde Keamerferkiezings fan 2017. Dat makket de stekproef fertsjintwurdiger fan yn oanmerking komme Nederlanners (18+) wat dizze eftergrûnkenmerken oanbelanget. De mearderheid fan de dielnimmers komt út it I&O Research Panel (n=2.243). Derneist diene 99 dielnimmers mei oan dit ûndersyk fia PanelClix.
