Oekraynske flechtlingen kinne yn Nederlân fergees mei de trein reizgje. NS melde tiisdei dat Oekraïners dy't harren lân flechtsje fanwegen de oarloch in treinkaartsje krije kinne troch harren paspoart of ID te toanen.
Neffens in wurdfierder reizgje flechtlingen út Oekraïne fia bygelyks Dútslân, België of Frankryk nei Nederlân. “Yn dy lannen krije se in treinkaartsje op basis fan de regels dy’t dêr jilde. As se op ús treinen komme, akseptearje wy dat kaartsje yn kombinaasje mei harren paspoart as kaartsje nei Nederlân.”
Ynwenners út Oekraïne dy't binnen Nederlân fierder reizgje wolle, kinne op vertoon fan harren Oekraynske identiteitskaart in deikaart krije en in Dúts, Belgysk, Frânsk of Eastenryksk kaartsje dat net âlder is as 24 oeren. Dy kinne se ophelje by de Ticket- en Servicebalies fan NS.
Thalys makke moandei bekend dat Oekraynske flechtlingen fergees op de hegesnelheidsline reizgje kinne. Deutsche Bahn en it Eastenrykske spoarbedriuw ÖBB meldden de dei derfoar ek dat flechtlingen fergees gebrûk meitsje kinne fan harren tsjinsten.
